毛毛婷

  电影《一球成名》第二集都未上画，第三集就已经开拍，今届世界杯仲去埋德国实地取景添！摄制组来到英格兰对瑞典呢场赛事进行拍摄，仲将祖高尔入嘅金球影低，令佢有机会喺套戏入面出现，祖高尔有机会凭住佢嘅入球流芳百世。

由于国际足协系《一球成名》嘅赞助商，所以摄制组喺世界杯入面拍摄都可以畅通无阻，国际足协仲划出专区畀摄制组可以方便拍摄。祖高尔喺英格兰对瑞典场波，唔知系咪知道有电影公司喺度拍戏，即刻射咗个超级金球出嚟，传闻电影公司都有兴趣将呢球收入戏中，祖高尔可能就因为呢球进军荷里活！

有一位足协官员就话第三部会讲男主角阿高加入咗阿根廷国家队，仲参加咗今届世界杯添，所以摄制组会一直拍到入决赛，而且喺世界杯结束之后，仲会有几名神秘球星喺第三集出现。